ધોળા દિવસે ચોરી, કેવી રીતે સુરતમાં ધોળે દિવસે ઈસમો મોપેડ લઈને થયા ફરાર!! જુઓ ચોરીનો LIVE વિડીયો

શહેરમાં અવાર નવાર ચોરીની ઘટનાઓ સામે આવતી રહે છે. તે જોતા તો એવું લાગી રહ્યું છે કે, ચોરને કોઈ પણ જાતનો ડર રહ્યો નથી. રાત્રી દરમિયાન તો ચોરીનું સમજ્યા પણ આ ચોર હવે તો ધોળા દિવસે અને દિનદહાડે ચોરી કરી રહ્યા છે. આવો જ એક ચોરીનો બનાવ યોગીચોક ના સાવલિયા સર્કલ નજીક સુંદરમ રેસિડેન્સીમાં સામે આવ્યો છે.

ચોર દ્વારા સુંદરમ રેસિડેન્સીમાં પાર્કિંગ માં પાર્ક કરેલી મોપેડની ચોરી કરી ચોર ઈસમ ફરાર થઇ ગયા છે. મળતી માહિતી અનુસાર, ચોર અડધી કલાક સોસાયટીમાં ફરતો રહ્યો અને આખરે એક્ટિવા બાઇકનો લોક તોડીને મોપેડ લઈને ફરાર થઇ ગયો હતો.

ચોરીની સમગ્ર ઘટના સીસીટીવી કેમેરામાં કેદ થઇ જવા પામી છે. સીસીટીવી કેમેરામાં સ્પષ્ટ પણે જોઈ શકાય છે કે, ચોર અડધો કલાક સુધી ચાંપતી નજર રાખે છે અને ત્યારબાદ સફળતાપુર્વક મોપેડની ચોરી કરીને ત્યાંથી ફરાર થઇ જાય છે.

હાલમાં તો આ ચોરીની ઘટના અંગે સરથાણા પોલીસ મથકે ફરીયાદ નોંધાઇ છે. પોલીસ દ્વારા પણ સીસીટીવી ફૂટેજના આધારે આગળની તપાસ હાથ ધરવામાં આવે છે.