ISIના આંતકવાદીઓ તહેવારોમાં આપવાના હતા 26/11 જેવા હુમલાને અંજામ, કસાબે આપી હતી ટ્રેનિંગ…

ISIના આંતકવાદીઓ તહેવારોમાં આપવાના હતા 26/11 જેવા હુમલાને અંજામ, કસાબે આપી હતી ટ્રેનિંગ…

દેશને હચમચાવવાના કાવતરામાં પકડાયેલા છ આતંકીઓએ પૂછપરછમાં ઘણા મહત્વના ખુલાસા કર્યા હતા. આ પ્રકારના હુમલાથી દેશના ઘણા રાજ્યોને હચમચાવી દેવાનું તેઓનું ષડયંત્ર હતું. આ માટે આઇએસઆઇ અને અંડરવર્લ્ડ વ્યાપક તૈયારી કરી રહ્યા હતા.

દેશને હચમચાવવાના કાવતરામાં પકડાયેલા છ આતંકીઓએ પૂછપરછમાં ઘણા મહત્વના ખુલાસા કર્યા હતા. આ પ્રકારના હુમલાથી દેશના ઘણા રાજ્યોને હચમચાવી દેવાનું તેઓનું ષડયંત્ર હતું. આ માટે આઇએસઆઇ અને અંડરવર્લ્ડ વ્યાપક તૈયારી કરી રહ્યા હતા.

તેઓને ISI ની સૂચના મળ્યા પછી, ઘણા રાજ્યોના મેટ્રો શહેરોમાં બોમ્બ બ્લાસ્ટ થવાના હતા. પકડાયેલા આતંકવાદીઓ ઓસામા અને ઝીશાનને પાકિસ્તાનમાં તાલીમ આપવામાં આવી હતી જ્યાં મુંબઈ આતંકી હુમલાના દોષી અજમલ અમીર કસાબને તાલીમ આપવામાં આવી હતી.આતંકવાદીઓએ ખુલાસો કર્યો છે કે તેમને માત્ર રેકેટ અને હથિયારોની વ્યવસ્થા કરવા માટે કહેવામાં આવ્યું હતું.

ઝીશાન-ઓસામાને પહેલા જિયોની નીમની જગ્યાએ લઇ ગયા હતા. જીયોનીથઈ પાક.ના ગ્વાદર પોર્ટ પાસેથી થટ્ટા ફાર્મ હાઉસ લઇ જવાયા હતા. પાકિસ્તાનની સેનાના ડ્રેસમાં રહેનારા જબ્બાર અને હમઝાએ તમામને ટ્રેનિંગ આપી હતી. 15 દિવસમાં તેમને ઘરેલૂ સામાનથી બોમ્બ બનાવાની ટ્રેનિંગ આપવામાં આવી હતી. ATSએ નૈનીના ડાંડી વિસ્તારમાં એક પોલ્ટ્રી ફાર્મમાંથી IED પણ જપ્ત કર્યું હતું.

સ્પેશિયલ સેલના વરિષ્ઠ અધિકારીએ કહ્યું હતું કે આતંકવાદીઑ તહેવારો દરમિયાન, એવા સ્થળે બોમ્બ વિસ્ફોટ કરવા માંગતા હતા જ્યાં ચોક્કસ ધર્મના લોકો એક જગ્યાએ મોટી સંખ્યામાં ભેગા થાય. બોમ્બ વિસ્ફોટો પછી, વધુ જાન -માલનું નુકસાન થવું જોઈએ અને તે પછી દેશમાં કોમી સંવાદિતા બગડે છે અને દેશમાં રમખાણો ફેલાશે એવા મનસૂબા સાથે તેઓ તૈયારી કરી રહ્યા હતા.

26/11 મુંબઈ બ્લાસ્ટનું પુનરાવર્તન કરવા માગતા હતા
ISI એ તોફાનોને મોટા પાયે ફેલાવવાનું ષડયંત્ર પણ રચ્યું હતું. બીજી બાજુ, સ્પેશિયલ સેલના એક વરિષ્ઠ અધિકારીએ જણાવ્યું કે ધરપકડ કરાયેલા આતંકવાદીઓ 26/11 મુંબઈ બ્લાસ્ટનું પુનરાવર્તન કરવા માગે છે. અંડરવર્લ્ડ ડોન દાઉદ ઇબ્રાહિમ 26/11 હુમલાના કાવતરામાં સામેલ હતો એવા પણ સમાચારો આવ્યા હતા. આ વખતે દાઉદ ઈબ્રાહિમનો ભાઈ અનીસ ઈબ્રાહિમ કાવતરામાં સામેલ હતો. તે આતંકવાદીઓના સંપર્કમાં હતો.

કસાબની જેમ અંધાધૂંધ ગોળીબાર કરીને લક્ષ્યને મારવાનું કહ્યું હતું
પોલીસ અધિકારીએ જણાવ્યું હતું કે, પકડાયેલા આતંકીઓ ઓસામા અને ઝીશાનને પાકિસ્તાનના કરાચી નજીકના થાટ્ટાના ફાર્મહાઉસમાં આતંકી તાલીમ આપવામાં આવી હતી જ્યાં મુંબઈ હુમલાના દોષિત કસાબને પણ તાલીમ આપવામાં આવી હતી. અહીં ઓસામા અને ઝીશાનને પિસ્તોલ અને એકે -47 જેવા હથિયારોનું સંચાલન શીખવવામાં આવ્યું હતું. સાથે મળીને IED બનાવવાનું પણ શીખવવામાં આવ્યું હતું. આતંકવાદીઓને મેજર અથવા લેફ્ટનન્ટની રેન્ક અને ગાઝી નામના અધિકારી દ્વારા તાલીમ આપવામાં આવી હતી. ગાઝીના બે સહાયકો જબ્બર અને હમઝા હતા. પૂછપરછમાં એવું પણ બહાર આવ્યું છે કે આતંકવાદીઓએ કસાબની જેમ અંધાધૂંધ ગોળીબાર કરીને લક્ષ્યને મારવાનું હતું. ટાર્ગેટ કિલિંગ હેઠળ રાજકારણીઓ અને ધાર્મિક નેતાઓ પણ તેઓના ટાર્ગેટ પર હતા.

GujaratPress

Related articles

Leave a Reply

Your email address will not be published. Required fields are marked *