યુક્રેન પર હુમલો કર્યા બાદ ઘરમાં જ ઘેરાયા પુતિન!! યુદ્ધ વિરુદ્ધ પ્રદર્શન, 1700 રશિયન નાગરિકો કસ્ટડીમાં…

યુક્રેન પર હુમલો કર્યા બાદ ઘરમાં જ ઘેરાયા પુતિન!! યુદ્ધ વિરુદ્ધ પ્રદર્શન, 1700 રશિયન નાગરિકો કસ્ટડીમાં…

રશિયાએ ગુરુવારે યુક્રેન પર હુમલો કર્યો હતો. રશિયન સૈન્યનો દાવો છે કે તેણે યુક્રેનમાં 83 સૈન્ય મથકોને નષ્ટ કર્યા છે. તેમાં 11 એરબેઝ પણ સામેલ છે. રશિયન સેનાએ પહેલા દિવસના હુમલાને સફળ ગણાવ્યો હતો. બીજી તરફ નાટો સહિત વિશ્વના તમામ દેશોએ યુક્રેનમાં થયેલા હુમલાને લઈને રશિયા સામે પ્રતિબંધોની જાહેરાત કરી હતી. આટલું જ નહીં યુક્રેન પર થયેલા હુમલાનો વિરોધ રાજધાની મોસ્કોમાં પણ શરૂ થયો હતો.

રશિયાની રાજધાની મોસ્કોમાં મોટી સંખ્યામાં વિરોધીઓ એકઠા થયા હતા. આ પ્રદર્શનકારીઓ યુક્રેન પર થયેલા હુમલાનો વિરોધ કરી રહ્યા હતા. રશિયન પોલીસે પ્રદર્શન કરી રહેલા 1700 જેટલા પ્રદર્શનકારીઓની અટકાયત કરી હતી. રશિયન અધિકારીઓએ યુક્રેન પ્રત્યે સહાનુભૂતિ ધરાવતા વિરોધીઓને પણ પ્રદર્શન ન કરવા ચેતવણી આપી હતી.

રશિયન સંરક્ષણ પ્રધાન સેરગેઈ શોઇગુએ આદેશ આપ્યો હતો કે યુક્રેનિયન સૈનિકો સાથે આદર સાથે વ્યવહાર કરવામાં આવે અને જેઓ તેમના શસ્ત્રો હેઠા મૂકે છે તેમને સુરક્ષિત કોરિડોર ઓફર કરવામાં આવે. એટલું જ નહીં, રશિયાના સંરક્ષણ પ્રધાને સ્વીકાર્યું છે કે યુક્રેન પર હુમલા દરમિયાન એક Su-25 જેટ ક્રેશ થયું હતું. જોકે, તેણે તેને પાઈલટની ભૂલ ગણાવી હતી.

રશિયા અને યુક્રેન વચ્ચે ચાલી રહેલા યુદ્ધ વચ્ચે પીએમ મોદીએ રશિયન રાષ્ટ્રપતિ પુતિન સાથે ફોન પર વાત કરી છે. પીએમ મોદીએ ભારપૂર્વક કહ્યું છે કે વાતચીત દ્વારા જ કોઈપણ ઉકેલ શોધી શકાય છે. તેમના મતે, કૂટનીતિ દ્વારા જ શાંતિ સ્થાપિત કરી શકાય છે. આ સાથે જ પીએમ મોદીએ પુતિન સામે ભારતીયોની સુરક્ષાનો મુદ્દો ઉઠાવ્યો છે. આ સિવાય પીએમએ હિંસા છોડવાની પણ વાત કરી છે. તેમણે કહ્યું કે આ મામલાને વાતચીત દ્વારા ઉકેલવો જોઈએ.

25 મિનિટની વાતચીતમાં પીએમ મોદીએ સૌથી વધુ ભારપૂર્વક કહ્યું કે યુદ્ધમાંથી કોઈ ઉકેલ આવવાનો નથી. પીએમ મોદીના કહેવા પ્રમાણે, જો રશિયાનો નાટો દેશો સાથે વિવાદ છે તો તે પણ વાતચીત દ્વારા જ ઉકેલવો જોઈએ. વાતચીતમાં પીએમ મોદીએ યુક્રેનમાં ફસાયેલા ભારતીયો અંગે પણ વિગતવાર ચર્ચા કરી હતી.

પીએમે એ પણ સ્પષ્ટ કર્યું કે ત્યાં ફસાયેલા ભારતીયોની સુરક્ષા ભારત સરકાર માટે અત્યંત મહત્વની છે. બંને નેતાઓ સંમત થયા કે દરેક મુદ્દા પર વધુ ચર્ચા કરવામાં આવશે અને રાજદ્વારી ચેનલને મજબૂત કરવા માટે કામ કરવામાં આવશે.

GujaratPress

Related articles

Leave a Reply

Your email address will not be published.