આજથી બદલાઈ ગયા બૅન્કિંગ સહિતના અનેક નિયમો, મિડલ ક્લાસના ખિસ્સા પર પડશે સીધી અસર…

આજથી બદલાઈ ગયા બૅન્કિંગ સહિતના અનેક નિયમો, મિડલ ક્લાસના ખિસ્સા પર પડશે સીધી અસર…

દર મહિનાની પહેલી તારીખે ઘણા એવા બદલાવ થાય છે જેથી તમારા ખિસ્સા પર સીધી અસર પડે છે. બેંકિંગ નિયમથી લઈને એલપીજી સીલીન્ડરની કિંમતમાં પહેલી તારીખે બદલાવ થાય છે. આ વખતે એટલે કે માર્ચની પહેલી તારીખથી ઘણા મોટા બદલાવો થઇ રહ્યા છે જેથી તમારા ખિસ્સા ઢીલા થઇ શકે છે. આજથી કમર્શિયલ ગેસ સીલીન્ડરની કિંમતમાં 105 રૂપિયાનો વધારો થયો છે. આ ઉપરાંત પણ આજથી ઘણા મોટા નિયમો બદલાયા છે. આવો જાણીએ આ નિયમો વિષ એ જે સીધા તમને પ્રભાવિત કરી શકે છે.

અમૂલ દૂધ થયું મોંઘુ

સતત વધતી મોંઘવારી વચ્ચે અમૂલે દૂધની કિંમતમાં 2 રૂપિયા પ્રતિ લીટર વધારો કર્યો છે. નવા દરો એટલે કે 1 માર્ચથી લાગુ થયા છે. અમૂલનો માલિકી હક રાખવાવાળી કંપાની ગુજરાત કો-ઓપરેટીવ મિલ્ક માર્કેટિંગ ફેડરેશનની તરફથી જણાવવામાં આવ્યું છે કે 1 માર્ચથી આખા દેશમાં આ વધારો લાગુ થશે.

ઇન્ડિયા પોસ્ટનાં વધ્યા ચાર્જ
આઈપીપીબી એટલે કે ઇન્ડિયા પોસ્ટ પેમેંટ બેંકે પોતાના ડિજીટલ સેવિંગ્સ અકાઉન્ટ માટે ક્લોઝર ચાર્જ લેવાના શરુ કર્યા છે. જો તારું પણ બચત ખાતું ઇન્ડિયા પોસ્ટ પેમેંટ બેંકમાં છે તો તમારે પણ આ ચાર્જ ભરવો પડશે. આ માટે તમારે 150 રૂપિયા સાથે જીએસટી જોડીને ચાર્જ આપવો પડશે. આ નવો નિયમ 5 માર્ચ 2022થી લાગુ કરવામાં આવશે.

પેન્શનર્સ માટે છૂટ સમાપ્ત

પેન્શનર્સ માટે 28 ફેબ્રુઆરી લાઈફ સર્ટીફિકેટ જમા કરવાની અંતિમ તારીખ હતી. 1 માર્ચ એટલે કે આજથી સરકાર તરફથી આપવામાં આવેલ છૂટ સમાપ્ત થઇ જશે. પેન્શન હંમેશા મેળવવા માટે જરૂરી છે કે પેન્શનર્સ પોતાનું જીવન પ્રમાણ પત્ર સમય પર જમા કરાવે. સામાન્ય રીતે જીવન પ્રમાણ પત્ર જમા કરાવવાની અંતિમ તારીખ 30 નવેમ્બર હોય છે પરંતુ સરકારી પેન્શનભોગીઓ માટે મોટી રાહત આપતા આ વર્ષે બે વાર તારીખ વધારવામાં આવી. જો તમે સમય સીમા પહેલા જીવન પ્રમાણ પત્ર જમા નથી કરાવ્યું તો તમારું પેન્શન અટકી જશે. તમે ઘર બેઠા પણ જીવન પ્રમાણ પત્ર જમા કરાવી શકો છો. આ માટે તમારે ડીજીટલ જીવન પ્રમાણ પત્ર જનરેટ કરાવવું પડશે.

LPG નાં વધ્યા ભાવ
દર મહિનાની પહેલી તારીખે એલપીજી સીલીન્ડરની કિંમત જાહેર થાય છે. ગેસ સીલીન્ડરની કિંમત સીધી સામાન્ય માણસ પર અસર કરે છે. હાલમાં ઘણા મહીનાની જેમ આ વખતે પણ ઘરેલું રસોઈ ગેસની કિંમતોમાં બદલાવ થયા નથી. પરંતુ એક માર્ક એટલે કે આજથી કમર્શિયલ ગેસ સીલીન્ડરની કિંમતોમાં 105 રૂપિયાનો વધારો થયો છે.

DBS બેંક ઇન્ડિયા લિમિટેડનો બદલાયો IFSC કોડ
આજથી થઇ રહેલ બદલાવોમાં એક ડીબીએસ બેંક ઇન્ડિયા લિમિટેડ તથા લક્ષ્મી વિલાસ બેંકના IFSC કોડ પણ છે. 28 ફેબ્રુઆરી 2022થી જુના કોડ બદલાયા છે. ગ્રાહકોને 1 માર્ચ 2022થી NEFT/RTGS/IMPS નાં માધ્યમથી પૈસાની લેવડ દેવડ માટે નવા કોડનો ઉપયોગ કરવો પડશે.

GujaratPress

Related articles

Leave a Reply

Your email address will not be published.