કોરોનામાં મા-બાપની છત્ર ગુમાવનારા 27,674 બાળકોની સહાય માટે 20,970 બાળકોને સહાયની અરજી મંજૂર

કોરોનામાં મા-બાપની છત્ર ગુમાવનારા 27,674 બાળકોની સહાય માટે 20,970 બાળકોને સહાયની અરજી મંજૂર

ગુજરાતમાં કોરોનામાં માતા અને પિતા બંને અથવા તો કોઈ એક વાલીનું મોત થયું હોય તેવા કિસ્સામાં બાળકને સહાય માટે 27,674 અરજી મળી છે, જે પૈકી 20,970 અરજીઓ તો મંજૂર કરાઈ છે જ્યારે 3,665 અરજી નામંજૂર કરવામાં આવી છે, આ સાથે જ 3,009 અરજીઓ પડતર છે. મુખ્યમંત્રી બાળ સેવા યોજના હેઠળ બાળકોને અપાતી સહાયની ડિસેમ્બર 2021ની સ્થિતિનો આ ચિતાર ગુજરાત વિધાનસભા ગૃહમાં બુધવારે સામાજિક ન્યાય અને અધિકારિતા વિભાગે રજૂ કર્યો છે. એક તરફ ગુજરાત સરકાર કોરોનાથી રાજ્યમાં 10,942 મોત થયાનું જાહેર કરે છે બીજી તરફ કોરોનામાં મા-બાપની છત્રછાયા ગુમાવનારા બાળકોની જ 27,674 અરજીઓ આવી છે, આમ સ્પષ્ટ છે કે, ગુજરાત સરકાર કોરોનામાં મોતના આંકડા છુપાવે છે.

મુખ્યમંત્રી બાળ સેવા યોજનામાં માતા અને પિતા બંનેનું અવસાન થયું હોય તો દર મહિને 4 હજાર અને માતા અથવા પિતા કોઈ એકનું અવસાન થયું હોય તો તેવા બાળકને મહિને બે હજારની સહાય ચુકવવામાં આવે છે, ગુજરાતમાં ડિસેમ્બર 2021ની સ્થિતિએ જ 20,970 અરજીઓ મંજૂર કરવામાં આવી છે. ગુજરાત વિધાનસભામાં પ્રશ્નોત્તરી વખતે બે મિનિટ માટે આ મુદ્દો ચર્ચાયો હતો ત્યારે વિપક્ષ કોંગ્રેસે દાવો કર્યો હતો કે, ગુજરાતમાં કોરોનાના કારણે ત્રણ લાખ કરતાં વધુ લોકોનાં મોત થયા છે, સુપ્રીમ કોર્ટમાં કોવિડ મૃતકોને સહાય માટેની સુનાવણી ચાલે છે, આ કેસમાં સરકારે જ 1.17 લાખ અરજીઓ સહાય માટે મળી હોવાનું જાહેર કર્યું છે.

બાળકોને સહાય માટે અરજી

અમદાવાદ 2500
રાજકોટ 2137
ભરૂચ 1970
સુરત 1431
નવસારી 1384
ભાવનગર 1359
વડોદરા 1026
કચ્છ 1009
બનાસકાંઠા 1007
વડોદરા 1026
કચ્છ 1009
બનાસકાંઠા 1007

94 કોરોના વોરિયર્સના મોતના કિસ્સામાં સહાય ચુકવાઈ, 14 કેસમાં બાકી

કોરોનામાં ફ્રન્ટ લાઈન કોરોના વોરિયર્સના મોતના કિસ્સામાં વારસદારોને 50 લાખની સહાય ચુકવવામાં આવે છે, ગુજરાતમાં જાન્યુઆરી 2022ની સ્થિતિએ 94 શહીદ વોરિયર્સના પરિવારજનને સહાય ચુકવવામાં આવી છે જ્યારે 14 કિસ્સામાં વારસોને 7 કરોડની સહાય ચુકવવાની હજુ બાકી છે. વલસાડ, રાજકોટ અને ભરૂચમાં સાત-સાત કિસ્સામાં સહાય ચુકવણી થઈ છે, એ જ રીતે જૂનાગઢ-સુરતમાં 6-6 અને અમદાવાદ-ભાવનગરમાં પાંચ-પાંચ, પાટણ અને બનાસકાંઠામાં 4-4 કિસ્સામાં સહાય ચુકવાઈ છે.

GujaratPress

Related articles

Leave a Reply

Your email address will not be published.