હ’ત્યારા ફેનિલ સામે આરોપો ઘડાયા, સોમવારથી ફાસ્ટ ટ્રેક કોર્ટમાં રોજ સુનાવણી થશે…

હ’ત્યારા ફેનિલ સામે આરોપો ઘડાયા, સોમવારથી ફાસ્ટ ટ્રેક કોર્ટમાં રોજ સુનાવણી થશે…

સુરત ગ્રીષ્મા હત્યા કેસમાં આરોપી ફેનિલ ગોયાણી સામે મહત્વની કાર્યવાહી. સોમવારથી ગ્રીષ્મા હત્યા કેસમાં ફાસ્ટ ટ્રેક કોર્ટમાં દરરોજ સુનાવણી હાથ ધરાશે. આરોપીને ઝડપી સજા અપાવવા માટે તમામ મહત્વના પુરાવા કોર્ટમાં રજૂ કરાયા.

સુરત: સુરત શહેરમાં બનેલા ગ્રીષ્મા વેકરિયા મર્ડર કેસના આરોપી ફેનિલ ગોયાણી સુરત પોલીસ સામે ભાંગી પડ્યા બાદ હવે કોર્ટમાં પોતાનો ગુનો કબૂલવાનો ઈનકાર કરી રહ્યો છે. આવામાં કેસની ગંભીરતાને જોતા આ હત્યા કેસને ફાસ્ટ ટ્રેક કોર્ટમાં ચલાવવાનો નિર્ણય લેવામાં આવ્યો છે. સોમવારથી આ કેસમાં આરોપીને જલદીમાં જલદી સજા મળે તે માટે ફાસ્ટ ટ્રેક કોર્ટમાં સુનાવણી હાથ ધરવામાં આવશે.

સુરતમાં 21 વર્ષની વર્ષની કૉલેજ કરતી છોકરીની જાહેરમાં હત્યા કરનારા આરોપી સામેનો કેસ અઠવાડિયા અગાઉ ફાસ્ટ ટ્રેક કોર્ટમાં ચલાવવાનો નિર્ણય લેવામાં આવ્યો હતો.

શુક્રવારે સવારે આરોપી ફેનિલ ગોયાણી કે જે સુરતની લાજપોર સેન્ટ્રલ જેલમાં કેદ છે તેને સુરત ડિસ્ટ્રીક્ટ અને સેશન્સ કોર્ટમાં સવારે રજૂ કરવામાં આવ્યો હતો. આરોપી સામેના આરોપ ઘડવામાં આવ્યા છે હવે ફાસ્ટ ટ્રેક કોર્ટમાં ચલાવવામાં આવશે.

બચાવ પક્ષના વકીલ ઝમીર શેખે કોર્ટમાં આરોપો નક્કી થાય ત્યાં સુધીનો સમય માગ્યો હતો. આરોપી ફેનિલ સામે હત્યાના ગુનો લાગુ કરાયો છે, જોકે ફેનિલે આરોપો કબૂલવાનો ઈનકાર કરી દીધો હતો. રાજ્ય સરકારના વકીલ નયન સુખડવાલાએ કહ્યું છે કે, “અમે કોર્ટમાં પુરાવા સાથેના દસ્તાવેજ રજૂ કરી દીધા છે અને સોમવારથી સુનાવણી શરુ થશે.”

સૂત્રોએ જણાવ્યું કે કાર્યવાહી દરમિયાન કોર્ટ મેડિકલ પુરાવાની તપાસ કરશે અને એ ડૉક્ટરોને પણ બોલાવશે કે જેમણે પોસ્ટમોર્ટમ કર્યું હતું અને આરોપીએ બચાવવા વચ્ચે પડેલા મૃતકના કાકા અને નાના ભાઈ પર ચાકુથી હુમલો કર્યા બાદ તેમની જે ડૉક્ટરો દ્વારા સારવાર કરવામાં આવી હતી.

પોસ્ટમોર્ટમ રિપોર્ટ, વોઈસ સ્પેક્ટ્રોગ્રાફી ટેસ્ટનો રિપોર્ટ અને FSL સહિતના 80 પુરાવા કોર્ટમાં રજૂ કરવામાં આવ્યા છે.

12 ફેબ્રુઆરીએ બનેલી ઘટનામાં શહેરના પાસોદરા વિસ્તારમાં કૉલેજની વિદ્યાર્થિની ગ્રીષ્મા વેકરિયાની એક તરફી પ્રેમમાં પાગલ ફેનિલ ગોયાણીએ જાહેરમાં હત્યા કરી હતી. આરોપી ફેનિલે યુવતીના પરિવારજનો અને અન્ય લોકોની હાજરીમાં જ યુવતીનું ગળું કાપીને હત્યા કરી નાખી હતી. હત્યાની ઘટના પહેલા વચ્ચે પડેલા ગ્રીષ્માના કાકા અને ભાઈ પર પણ ફેનિલે હુમલો કર્યા હતો અને જેમાં તેઓ ઘાયલ થયા હતા.

પોલીસે કરેલી તપાસમાં જાણવા મળ્યું કે આરોપી ફેનિલે ગ્રીષ્માની હત્યા માટે અગાઉથી જ આયોજન કર્યું હતું, તેણે લગભગ ઘટનાના એક મહિના પહેલાથી બે ચાકુ ખરીદ્યા હતા અને ઈન્ટરનેટ પર પણ હત્યા પહેલા કેટલીક માહિતી મેળવી હતી. તેણે ગ્રીષ્માની હત્યા માટે ઓટોમેટિક હથિયાર ખરીદવા માટે પણ તપાસ કરી હતી.

GujaratPress

Related articles

Leave a Reply

Your email address will not be published.